મોદી સરકાર આ કાર્યકાળનું છેલ્લું બજેટ 1 ફેબ્રુઆરીએ રજૂ કરશે . દેશના વિકાસને ધ્યાનમાં રાખીને અનેક ક્ષેત્રો માટે મોટી જાહેરાતો કરવામાં આવી શકે છે. એવી અપેક્ષા છે કે સરકાર મૂડી ખર્ચમાં વધારો કરશે. સરકાર ખર્ચનું સંચાલન કરવા માટે મધ્યમ વર્ગ માટે કેટલીક રાહતો જાહેર કરી શકે છે. પેન્શન ફંડ રેગ્યુલેટરી એન્ડ ડેવલપમેન્ટ ઓથોરિટીએ જાન્યુઆરીમાં નેશનલ પેન્શન સિસ્ટમ હેઠળ રોકાણ કરાયેલા ભંડોળના આંશિક ઉપાડ માટે માર્ગદર્શિકા મૂકતો મુખ્ય પરિપત્ર બહાર પાડ્યો હતો. પેન્શન બોડીએ સ્પષ્ટતા કરી છે કે સબ્સ્ક્રાઇબર્સ પ્રથમ મકાનની ખરીદી અથવા બાંધકામ માટે જ આંશિક ઉપાડ કરી શકે છે. આ નિયમ 1 ફેબ્રુઆરીથી લાગુ કરવામાં આવશે.
સ્ટેટ બેંક ઓફ ઈન્ડિયા હાલમાં તેના ગ્રાહકોને હોમ લોન પર રાહતો આપી રહી છે. તે 65 bps જેટલા ઓછા વ્યાજ દરે હોમ લોન ઓફર કરે છે. હોમ લોન પર પ્રોસેસિંગ ફી અને કન્સેશન માટેની છેલ્લી તારીખ 31 જાન્યુઆરી 2024 છે. આ રાહત Flexipay, NRI, નોન-સેલરી, પ્રિવિલેજ અને અન્ય માટે ઉપલબ્ધ છે.
નેશનલ હાઈવે ઓથોરિટી ઓફ ઈન્ડિયાએ કહ્યું છે કે KYC વગરના તમામ ફાસ્ટેગ 31 જાન્યુઆરી પછી નિષ્ક્રિય થઈ જશે. 1 ફેબ્રુઆરીએ યુઝર્સે ખાતરી કરવી પડશે કે તેમના ફાસ્ટેગ માટે કેવાયસી પૂર્ણ થઈ ગયું છે. લગભગ 7 કરોડ FASTags જારી કરવામાં આવ્યા છે, પરંતુ માત્ર 4 કરોડ જ સક્રિય છે. આ સિવાય 1.2 કરોડ ડુપ્લિકેટ ફાસ્ટેગ છે.
આ સિવાય LPG ની કિંમત દર મહિનાની પહેલી તારીખે નક્કી કરવામાં આવે છે. 1લી ફેબ્રુઆરીએ બજેટ રજૂ થશે અને ગેસ સિલિન્ડરની કિંમત પણ 1લી ફેબ્રુઆરીએ નક્કી કરવામાં આવશે.
