મુંબઈના વસઈનો એક ડરામણો વીડિયો સોશિયલ મીડિયા પર વાયરલ થઈ રહ્યો છે. વીડિયોમાં સ્ટેશનના પ્લેટફોર્મ પર પિતા અને પુત્ર જોવા મળી રહ્યા છે. તે દરમિયાન, તે પ્લેટફોર્મના છેડે જાય છે. એટલામાં સામેથી પુરપાટ ઝડપે એક ટ્રેન આવી રહી છે. પિતા અને પુત્ર હાથ પકડે છે અને કંઈપણ વિચાર્યા વિના, ઝડપથી નજીક આવતી ટ્રેનની સામે સૂઈ જાય છે.વસઈ જીઆરપીએ અકસ્માત મોતનો ગુનો નોંધી તપાસ શરૂ કરી છે. પોલીસે જણાવ્યું કે આ અકસ્માત સવારે લગભગ 11.30 વાગ્યે થયો હતો.
ચોંકાવનારી વાત એ છે કે પોલીસને પિતાના ખિસ્સામાંથી એક સુસાઈડ નોટ મળી હતી જેમાં લખેલું હતું કે બંને પોતાની મરજીથી આ પગલું ભરી રહ્યા છે અને તેના માટે કોઈ જવાબદાર નથી. જયના લગ્ન એક વર્ષ પહેલા જ થયા હતા. તેણે તેની ગર્લફ્રેન્ડ સાથે લગ્ન કર્યા. જ્યારે પિતાની પત્ની અને જયની માતાનું કોરોના મહામારી દરમિયાન મૃત્યુ થયું હતું. સસરા અને પતિના મોતથી મહિલા પણ આઘાતમાં છે, જોકે પોલીસ આ મામલે તપાસ કરી રહી છે.
