અમદાવાદના આંબલી-બોપલ રોડ પર ઓડી કાર ચાલકે અકસ્માત સર્જયો છે. નબીરાએ ચારથી પાંચ વાહનોને અડફેટે લીધા હતા. આ ઘટનાના CCTV ફૂટેજ પણ સામે આવ્યા છે. કાર ચાલક નશાની હાલતમાં હતો, અને અકસ્માત સર્જયા બાદ કારની અંદર બેસીને જ સિગરેટના કસ મારતો રહ્યો હતો. ધડાધડ એક પછી એક વાહનોને અડફેટે લીધા ઓડી કાર રેલીંગ સાથે ટકરાતા રોકાઇ ગઇ હતી. ત્યારબાદ લોકોનું ટોળું એકઠું થઇ જતાં કાર ચાલકને મેથીપાક ચખાડ્યો હતો. ઘટનાની જાણ થતાં પોલીસની ટીમ દોડી આવી હતી.અકસ્માતની ઘટના બાદ પોલીસ કાર ચાલકને લઈ ગઈ હતી. ઉલ્લેખનીય છે કે બોપલ-આંબલી રોડ ટ્રાફિકથી ધમધમતો હતો છે, ઓડી કાર ચાલકે અકસ્માત સર્જતા રસ્તા પર ભાગમભાગના દૃશ્યો સર્જાયા હતા.
