વર્ષની સૌથી વધુ રાહ જોવાતી ફિલ્મ ‘પુષ્પા 2: ધ રૂલ’ આ વર્ષે સ્ક્રીન પર આવવા માટે તૈયાર છે. અલ્લુ અર્જુન સ્ટારર આ ફિલ્મ 5 ડિસેમ્બરે સિનેમાઘરોમાં રિલીઝ થશે. આ પહેલા નિર્માતાઓએ ‘પુષ્પા 2: ધ રૂલ’ની એડવાન્સ બુકિંગ શરૂ કરવાની તારીખ જાહેર કરી છે.જેમ જેમ ‘પુષ્પા 2: ધ રૂલ’ની રિલીઝ ડેટ નજીક આવી રહી છે તેમ તેમ ફિલ્મને લઈને એક્સાઇટમેંટ પણ વધી રહી છે. પુષ્પાઃ ધ રૂલ માટે દર્શકોમાં જબરદસ્ત એક્સાઇટમેંટ જોઈને મેકર્સ હવે ફિલ્મ માટે એડવાન્સ બુકિંગ કાઉન્ટર ખોલવા જઈ રહ્યા છે. કહેવામાં આવી રહ્યું છે કે એડવાન્સ બુકિંગમાં આ ફિલ્મ ઐતિહાસિક રેકોર્ડ બનાવશે.
અલ્લુ અર્જુન સ્ટારર ફિલ્મ ‘પુષ્પા 2: ધ રૂલ’ માટે એડવાન્સ બુકિંગ 30 નવેમ્બરથી શરૂ થશે, જે ચાહકો માટે એક ખાસ ક્ષણ હશે. ‘પુષ્પા 2: ધ રૂલ’નું દિગ્દર્શન મશહૂર ડાયરેક્ટર સુકુમાર દ્વારા કરવામાં આવ્યું છે અને સુકુમાર રાઇટિંગ્સના સહયોગથી માયથરી મૂવી મેકર્સ દ્વારા નિર્માણ કરવામાં આવ્યું છે. ફિલ્મનું સંગીત ટી-સીરીઝ દ્વારા આપવામાં આવ્યું છે.
