ન્યુયોર્કથી ભારતમાં સોનાના ભાવમાં ઘટાડો જોવા મળી રહ્યો છે. 11 ડિસેમ્બરથી સોનાની કિંમતમાં 1900 રૂપિયાથી વધુનો ઘટાડો થયો છે. બીજી તરફ ચાંદીના ભાવમાં 5 ટકાથી વધુનો ઘટાડો થયો છે. તેનું મુખ્ય કારણ ડોલર ઇન્ડેક્સમાં વધારો અને ફેડરલ રિઝર્વની પોલિસી બેઠકમાં વ્યાજદરમાં સંભવિત ઘટાડો છે. જાણકારોના મતે આગામી દિવસોમાં સોના-ચાંદીના ભાવમાં ઘટાડો થવાની સંભાવના છે.
હાલમાં દેશના વાયદા બજાર મલ્ટી કોમોડિટી એક્સચેન્જમાં સોનાના ભાવમાં થોડો વધારો જોવા મળી રહ્યો છે. સવારે 9.20 વાગ્યે સોનાનો ભાવ 71 રૂપિયાના મામૂલી વધારા સાથે 77,132 રૂપિયા પ્રતિ 10 ગ્રામ પર ટ્રેડ થઈ રહ્યો છે. જ્યારે ટ્રેડિંગ સેશન દરમિયાન સોનું રૂ.77,199ની દિવસની સૌથી ઊંચી સપાટી અને રૂ.77,088ની નીચી સપાટીએ પહોંચ્યું હતું. જોકે, એમસીએક્સ પર સોનું રૂ. 77,090 સાથે ખુલ્યું હતું.બીજી તરફ મલ્ટી કોમોડિટી એક્સચેન્જમાં ચાંદીની કિંમતમાં ઘટાડો જોવા મળી રહ્યો છે. સવારે 9.20 વાગ્યે ચાંદીનો ભાવ 177 રૂપિયાની નબળાઈ સાથે 91,006 રૂપિયા પર ટ્રેડ થઈ રહ્યો છે. ટ્રેડિંગ સેશન દરમિયાન ચાંદીની કિંમત પણ 90,920 રૂપિયાના નીચલા સ્તરે પહોંચી ગઈ હતી. જોકે ચાંદી સવારે 9 વાગ્યે 90,945 રૂપિયા પર ખુલી હતી. 11 ડિસેમ્બરથી ચાંદીની કિંમતમાં 5 ટકાથી વધુ એટલે કે 4,900 રૂપિયાનો ઘટાડો જોવા મળ્યો છે. 11 ડિસેમ્બરે ચાંદીની કિંમત 95,802 રૂપિયા હતી.
