IND vs ENG: આજે ભારત અને ઈંગ્લેન્ડ વચ્ચે બીજી T20 મેચ રમાવાની છે. બંને ટીમો ચેન્નાઈના એમએ ચિદમ્બરમ સ્ટેડિયમમાં બીજી ટી20 મેચ રમશે. આ મેચ પહેલા ટીમ ઈન્ડિયાને મોટો ઝટકો લાગ્યો છે. ભારતનો વિસ્ફોટક યુવા ઓપનર ઈજાગ્રસ્ત થયો છે. આ બેટ્સમેન માટે બીજી ટી20 રમવી મુશ્કેલ છે.અભિષેક શર્મા પ્રેક્ટિસ દરમિયાન ઈજાગ્રસ્ત થયો હતો. તેની પગની ઘૂંટી વળી ગઈ છે. તે ખૂબ પીડામાં જોવા મળ્યો હતો. ઈજાને કારણે તે ચાલી પણ શકતો ન હતો. હવે એવું માનવામાં આવે છે કે અભિષેક માટે બીજી ટી20 રમવી મુશ્કેલ છે. અભિષેક પ્રથમ ટી20માં ભારતની જીતનો હીરો હતો.
અભિષેક શર્માની ઈજા ભારત માટે એક મોટો ઝટકો છે, કારણ કે પસંદગીકારોએ આ શ્રેણીમાં માત્ર બે ઓપનર પસંદ કર્યા છે. સંજુ સેમસન અને અભિષેક શર્મા સિવાય 15 સભ્યોની ટીમમાં કોઈ ઓપનર નથી. આવી સ્થિતિમાં જો અભિષેક બીજી ટી-20 નહીં રમે તો તિલક વર્માને ઇનિંગ્સની શરૂઆત કરવી પડી શકે છે.તિલક ત્રીજા નંબરે રમે છે. આવી સ્થિતિમાં તે ઓપનર તરીકે પણ રમી શકે છે. આ સિવાય ધ્રુવ જુરેલ પણ એક વિકલ્પ છે. જોકે, જુરેલે માત્ર ડોમેસ્ટિક ક્રિકેટમાં જ ઇનિંગ્સની શરૂઆત કરી છે. તે IPLમાં ઓપનિંગ કરતો જોવા મળ્યો નથી.
