વેસ્ટ ઈન્ડિઝ ક્રિકેટ ટીમ માટે આ સમયે તે મુશ્કેલીમાં મુકાઈ ગઈ છે. ટીમ હાલમાં પાકિસ્તાન ના પ્રવાસે છે જ્યાં તેના કેટલાક ખેલાડીઓ કોવિડ પોઝિટિવ હોવાનું જાણવા મળ્યું હતું. હવે તેની સંખ્યા વધી છે અને ટીમના પ્રવાસ પર પણ સંકટના વાદળો ઘેરાયા છે. ક્રિકેટ વેસ્ટ ઈન્ડિઝે (Cricket west indies) જણાવ્યું કે બુધવારે ટેસ્ટ બાદ તેના પાંચ સભ્યો કોવિડથી સંક્રમિત જોવા મળ્યા છે.
આ પાંચેય હવે આઈસોલેશનમાં રહેશે. આ પાંચમાંથી ત્રણ ખેલાડી છે જ્યારે એક આસિસ્ટન્ટ કોચ અને એક ટીમ ફિઝિશિયન છે. જે ખેલાડીઓ કોવિડ પોઝિટિવ હોવાનું જાણવા મળ્યું છે તેમાં શાઈ હોપ, ડાબોડી સ્પિનર અકિલા હુસેન અને ઓલરાઉન્ડર જસ્ટિન ગ્રીવ્સ છે. સહાયક કોચ રોડી એસ્ટવિક અને ટીમના ફિઝિશિયન અક્ષય માનસિંહના ટેસ્ટ પણ પોઝિટિવ આવ્યા છે. આ પરીક્ષણો પાકિસ્તાન ક્રિકેટ બોર્ડ દ્વારા કરવામાં આવ્યા હતા.
ક્રિકેટ વેસ્ટ ઈન્ડિઝે એક નિવેદનમાં કહ્યું છે કે આ ત્રણ ખેલાડીઓ આગામી મેચોમાં ભાગ નહીં લે. ઉપરાંત, આ પાંચેય બાકીની ટીમથી અલગ આઈસોલેશનમાં રહેશે. તે બધા 10 દિવસ અથવા તેમનો ટેસ્ટ નેગેટિવ આવે ત્યાં સુધી આઈસોલેશનમાં રહેશે
આ પહેલા પણ વેસ્ટ ઈન્ડિઝના ત્રણ ખેલાડીઓ આ વાયરસની ઝપેટમાં આવી ચુક્યા છે. હવે આવા ખેલાડીઓની કુલ સંખ્યા છ થઈ ગઈ છે. આ સિવાય ડેવોન થોમસને પ્રથમ ટી20માં આંગળીમાં ઈજા થઈ હતી. એકવાર પ્રવાસી ટીમના તમામ સભ્યોની કસોટી થઈ ગયા બાદ ક્રિકેટ વેસ્ટ ઈન્ડિઝ અને પાકિસ્તાન ક્રિકેટ બોર્ડના અધિકારીઓ બેઠક કરશે અને નિર્ણય લેશે કે પ્રવાસ ચાલુ રહેશે કે નહીં. આ ખેલાડીઓ પહેલા ડાબા હાથના બોલર શેલ્ડન કોટ્રેલ, ઓલરાઉન્ડર રોસ્ટન ચેઝ અને કાયલ માયર્સ કોવિડ પોઝીટીવ હોવાનું જાણવા મળ્યું હતું.
વેસ્ટ ઈન્ડિઝે પાકિસ્તાનના પ્રવાસ પર ત્રણ મેચની ટી-20 શ્રેણી તેમજ ત્રણ મેચની વનડે શ્રેણી રમવાની છે. હાલમાં ટી-20 સિરીઝ ચાલી રહી છે અને બે મેચ પણ રમાઈ છે. બંને મેચ કરાચીમાં રમાઈ હતી. પ્રથમ મેચમાં પાકિસ્તાનનો 63 રને વિજય થયો હતો. બીજી મેચમાં પણ પાકિસ્તાનનો વિજય થયો હતો. પાકિસ્તાને આ મેચ નવ રને જીતી હતી. આજે ત્રીજી મેચ રમાવાની છે. વનડે શ્રેણી 18 ડિસેમ્બરથી શરૂ થશે. બીજી મેચ 18 ડિસેમ્બરથી અને ત્રીજી મેચ 22 ડિસેમ્બરથી રમાશે. આ તમામ મેચ કરાચીમાં રમાશે.
