અંકલેશ્વર જી.આઈ.ડી.સી.ના બાપુનગર ગાંધી માર્કેટ વિસ્તારમાંથી ચોરીની ઘટનાને અંજામ આપનાર રીઢા આરોપીને એલસીબી પોલીસે અમદાવાદના મરોલી ગામેથી ઝડપી પાડ્યો હતો
ભરૂચ જિલ્લા પોલીસ વડા ડો.લીના પાટીલ દ્વારા મિલ્કત સંબંધિત ગુન્હાઓ અટકાવવા અને વણ ઉકેલાયેલ ચોરીના ગુન્હાઓને શોધી કાઢવાની સૂચનાઓને પગલે ભરૂચ એલસીબી પોલીસે સીસીટીવી ફૂટેજ અને હ્યુમન ઇન્ટેલિજન્સ,ટેકનિકલ સર્વેલન્સના આધારે તપાસ શરુ કરી હતી જેના આધારે બાતમી મળી હતી કે અંકલેશ્વર જી.આઈ.ડી.સી.ના બાપુનગર ગાંધી માર્કેટ વિસ્તારમાં ડિસેમ્બર-2021માં બંધ મકાનને નિશાન બનાવી સવા બે લાખની ચોરીની ઘટનાને અંજામ આપનાર અમદાવાદના મરોલી ગામે મજૂરી કરે છે જેવી બાતમીના આધારે ભરૂચ એલસીબી પોલીસે દરોડા પાડ્યા હતા પોલીસે મૂળ દાહોદના આંબલી ખજુરિયા અને હાલ અમદાવાદના મરોલી ગામના તળાવ પાસે રહેતો પંકજ ઉર્ફે પંકેશ પિધીયા પલાસને ઝડપી પાડ્યો હતો જેની પુછપરછ કરતા તેણે અન્ય બે સાગરીતો સાથે ચોરીની ઘટનાને અંજામ આપ્યો હોવાનું કબૂલ કર્યું હતું.
