દઢાલ નવી નગરી ઇન્દિરા આવાસમાંથી ઝડપાયો વિદેશી દારૂ
દારૂના જથ્થા સાથે મહિલા બુટલેગરને ઝડપી પાડી
બુટલેગર પતિ સહીત બે ઈસમોને વોન્ટેડ જાહેર કરી તપાસ હાથ ધરી
અંકલેશ્વર તાલુકાના દઢાલ ગામની નવી નગરી ઇન્દિરા આવાસમાંથી વિદેશી દારૂના જથ્થા સાથે મહિલા બુટલેગરને ઝડપી પાડી હતી જયારે બુટલેગર પતિ સહીત બે ઈસમોને વોન્ટેડ જાહેર કરી તપાસ હાથ ધરી છે
ભરૂચ એલસીબી પોલીસ મથકનો સ્ટાફ અંકલેશ્વર વિસ્તારમાં પેટ્રોલીંગમાં હતો તે દરમિયાન બાતમી મળી હતી કે અંકલેશ્વર તાલુકાના દઢાલ ગામની નવી નગરીમાં રહેતો અબ્દુલ કાદર ઈબ્રાહીમ શાહ અને તેની પત્ની સુશીલા જયંતી વસાવા ઇન્દિરા આવાસના બંધ મકાનમાં વિદેશી દારૂનો જથ્થો સંતાડેલ છે જેવી બાતમીના આધારે પોલીસે દરોડા પાડ્યા હતા પોલીસે સ્થળ પરથી વિદેશી દારૂની ૨૯૯ નંગ બોટલ મળી કુલ ૬૧ હજારથી વધુનો મુદ્દામાલ કબજે કર્યો હતો અને સુશીલા વસાવાને ઝડપી પાડી હતી જયારે બુટલેગર પતિ અને વિદેશી દારૂનો જથ્થો આપનાર નવા ગામ કરારવેલ ગામના કુખ્યાત બુટલેગરની પત્નીને વોન્ટેડ જાહેર કરી વધુ તપાસ હાથ ધરી છે
વિડિઓ જર્નલિસ્ટ સુનિલ પરમાર સાથે સત્યા ટીવી અંકલેશ્વર
