લાલ કોલોનીમાં થયેલ મોબાઈલ ચોરીનો ભેદ ઉકેલાયો
18 ફોન સાથે ભરૂચ LCBએ ત્રણ ઇસમોને ઝડપી પાડ્યા
પોલીસે ઈસમોને ઝડપી પાડી વધુ તપાસ હાથ ધરી
અંકલેશ્વરના કોસમડી ગામની લાલ કોલોનીમાં થયેલ મોબાઈલ ચોરીનો ભેદ ઉકેલી ૧૮ ફોન સાથે ભરૂચ એલસીબીએ ત્રણ ઇસમોને ઝડપી પાડ્યા હતા
ભરૂચ એલસીબી પોલીસ મથકનો સ્ટાફ મિલકત સંબંધિત ગુનાઓ ટેકનીકલ સર્વેલન્સ તેમજ હ્યુમન ઇન્ટેલિજન્સ હેઠળ શોધી કાઢવા પેટ્રોલીંગમાં હતો તે દરમિયાન બાતમી મળી હતી કે અંકલેશ્વરના કોસમડી ગામની લાલ કોલોનીના મકાન નંબર-૩૫માં રહેતા સુનીલકુમાર બાબુ પટેલનો ૧૪ હજારનો ફોન ચોરી કરનાર બે ઈસમો પ્રતિન ચોકડી પાસે ફરી રહ્યા છે જેવી બાતમીના આધારે પોલીસે વોચ ગોઠવી હતી અને બે ઈસમોને પકડી પાડી તેઓ પાસે રહેલ ફોન અંગે પુછપરછ કરતા તેઓએ કોઈપણ જાતના દસ્તાવેજો કે આધાર પુરાવા રજુ નહિ કરતા પોલીસે બંને ઈસમોની વધુ પુછપરછ કરતા તે ચોરી કરી લાવ્યા હોવાનું જણાવ્યું હતું અને આ ચોરીના ફોન તેઓ મોબાઈલની દુકાન ધરાવતા દુકાનદારને વેચી દેતા હોવાનું કબૂલ કર્યું હતું પોલીસે વાલિયાના કોંઢ ગામના સ્ટેશન ખાતે રહેતો સુનીલ પરબત નાયક,જય ઉર્ફે જયકાંત સુભાષ સલાટ તેમજ ખરીદનાર વસીમ અહેમદ અંજાર અહેમદ સૈયદની ધરપકડ કરી વધુ તપાસ હાથ ધરી છે અત્રે ઉલ્લેખની છે કે ઝડપાયેલ ઈસમો રાત્રીના સમયે મકાનોના ખુલ્લા દરવાજા વાટે મકાનમાં પ્રવેશી ચોરીની ઘટનાને અંજામ આપતા હોવાની વૃત્તિ ધરાવે છે.
વિડિઓ જર્નલિસ્ટ સુનિલ પરમાર સાથે સત્યા ટીવી અંકલેશ્વર
