અંકલેશ્વર ત્રણ રસ્તા સર્કલ પાસેનો વિડીયો
નશામાં ચકચૂર યુવાનના અડિંગાનો વિડીયો સામે આવ્યો
નશેબાજને હટાવવાની તસ્દી પોલીસ દ્વારા લેવામાં આવી ન હતી
અંકલેશ્વર ત્રણ રસ્તા સર્કલ નજીક નશામાં ચકચૂર યુવાનના અડિંગાનો વિડીયો સામે આવ્યો હતો.
રાજ્યમાં દારૂ બંધી માત્ર કાગળ ઉપર જ જોવા મળતી હોવાના અવારનવાર દ્રશ્યો અને અહેવાલો સામે આવે છે. લાખોનો ભરૂચ જિલ્લા સહિત ગુજરાતમાં પકડાતા દારૂ વચ્ચે નેશબાજોની કરતૂતો પણ પ્રકાશમાં આવતી હોય છે.આવો જ એક કિસ્સો અંકલેશ્વરમાં પણ ત્રણ રસ્તા સર્કલ ઉપરથી સામે આવ્યો હતો. ચિક્કાર દારૂ પીધેલો યુવાન લથડીયા ખાઈ મુખ્ય માર્ગ ઉપર જ પડી ગયો હતો.ઉઠવાના હોશ નહિ રહેતા તેને રસ્તાને જ આરામનું સ્થળ બનાવી લેતા માર્ગ પરથી પસાર થતા વાહન ચાલકો માટે મુસીબત સમાન પુરવાર થયો હતો. નજીકમાં જ પોલીસ ચોકી હોવા છતાં રસ્તા ઉપર નશામાં સુઈ ગયેલા આ નશેબાજને હટાવવાની તસ્દી પોલીસ દ્વારા લેવામાં આવી ન હતી.
વિડિઓ જર્નાલિસ્ટ ધર્મેન્દ્ર પ્રસાદ સાથે સત્યા ટીવી અંકલેશ્વર
