નર્મદા જિલ્લામાં દરરોજ અકસ્માતની ઘટના બની રહી છે. જેમાં હાલમાં કેવડીયા ખાતે પણ એક અકસ્માત બનવા પામ્યો હતો. જેમાં કેવડીયા રાજીવન ગેટ સામે ટેમ્પો અને બાઈક વચ્ચે અકસ્માત સર્જાતા આધેડ વ્યક્તિનું મોત થયું હતું.
મળતી વિગતો અનુસાર, વિશ્વનાથ અમૃતભાઇ તડવીએ આપેલી ફરિયાદ મુજબ તેમના પિતા મોટરસાયકલ લઇને કેવડીયા રાજીવન ગેટ સામે રોડ પર કેવડીયા કોલોની તરફ જવા માટે રસ્તો ક્રોસ કરતા હતા. તે વખતે એક્તા મોલ તરફથી આઇસર ટેમ્પોના ચાલકે ટેમ્પો પૂરઝડપે હંકારી લાવી પિતાની મોટરસાયકલની સાથે એક્સિડન્ટ કરતા પિતાને માથાના પાછળના ભાગે ગંભીર ઇજા અને ફ્રેક્ચર આવ્યું હતું. જ્યાં તેમનું સારવાર દરમ્યાન મોત નિપજ્યું હતું. જેથી ટેંમ્પો ચાલકે ગુનો કરતા કેવડીયા ટ્રાફિક પોલીસે ટેમ્પો ચાલક વિરુદ્ધ ગુનો દાખલ કર્યો છે અને કાયદેસરની કાર્યવાહી હાથ ધરી છે.
