અંકલેશ્વરમાં ૧૬ વર્ષની સગીરાને લાલચ આપી ભગાડી જતા પોલીસ ફરિયાદ
ઝઘડિયાના મોર તળાવ ગામના યુવાને સગીરાને લગ્નની લાલચ આપી ભગાડી
સગીરાના પિતાએ અંકલેશ્વર બી ડીવીઝન પોલીસ મથકે નોંધી ફરિયાદ
અંકલેશ્વરના એક ગામની સોસાયટીમાં રહેતી ૧૬ વર્ષની સગીરાને ઝઘડિયાના મોર તળાવ ગામનો યુવાન લગ્નની લાલચ આપી ભગાડી જતા પોલીસ ફરિયાદ નોંધાઈ હતી.
ઝઘડિયા તાલુકાના એક ગામમાં રહેતી ૧૬ વર્ષીય સગીરા અંકલેશ્વરની એક સ્કુલમાં ધોરણ-૧૧માં અભ્યાસ કરે છે.જે સગીરા અંકલેશ્વરના એક ગામની સોસાયટીમાં રહેતા મામાના ઘરેથી અભ્યાસ કરતી હતી તે દરમિયાન ગત તારીખ-૩જી એપ્રિલના રોજ મામા ઘરમાં સુઈ ગયા હતા તે સમયે વહેલી સવારે ૧૬ વર્ષીય ભાણેજ ઘરે હાજર નહિ જણાતા તેઓએ શોધખોળ આદરી હતી પરંતુ તે મળી નહી આવતા મામાએ તેણીના માતા-પિતાને જાણ કરતા તેઓ અંકલેશ્વર ખાતે આવી પહોંચ્યા હતા અને અગાઉ સગીરાને લગ્નની લાલચ આપી ભગાડી જનાર ઝઘડિયાના મોર તળાવ ગામનો રોશન જેસિંગ વસાવા ફરી લગ્નની લાલચ આપી ભગાડી ગયો હોવાની ફરિયાદ સગીરાના પિતાએ અંકલેશ્વર બી ડીવીઝન પોલીસ મથકે નોંધાવી છે.
વિડીયો જર્નાલિસ્ટ આકાશ પાટીલ સાથે સત્યા ટીવી અંકલેશ્વર
