હાંસોટના કુડાદરા ખાતે ભુવનેશ્વરી ગ્રુપ અંકલેશ્વર અને કુડાદરા ક્રિકેટ ક્લબ દ્વારા હાંસોટ-અંકલેશ્વર પ્રિમિયર લીગ ક્રિકેટ મેચનું આયોજન કરાયું હતું. આ ટુર્નામેન્ટમાં કુલ 14 ટીમએ ભાગ લીધો હતો. જેમાં ફાઇનલ મેચમાં સંજાલી ઇલેવનનો વિજય થયો હતો
હાંસોટ તાલુકાના કુડાદરા ગામ ખાતે ભુવનેશ્વરી ગ્રુપ અંકલેશ્વર અને કુડાદરા ક્રિકેટ ક્લબ દ્વારા ટેનિસ બોલની હાંસોટ-અંકલેશ્વર પ્રિમિયર લીગનું આયોજન કરવામાં આવ્યું હતું. આ નાઈટ ટુર્નામેન્ટમાં બંને તાલુકામાંથી કુલ 14 ટિમોએ ભાગ લીધો હતો. જેમાં ફાઇનલ મેચ કુડાદરા ક્રિકેટ સ્ટેડિયમ ખાતે આઈ.ટી. વી.સંજાલી ઇલેવન અને શક્તિ કૃપા ટાઇગર વચ્ચે યોજવામાં આવી હતી. જેમાં આઈ.ટી.વી સંજાલી ઇલેવન વિજય થયો હતો. ટુર્નામેન્ટના અંતે ધારાસભ્ય ઈશ્વરસિંહ પટેલના હસ્તે વિજેતા ટીમને ટ્રોફી તેમજ 80 હજાર રોકડ પુરસ્કાર એનાયત કર્યો હતો.
જ્યારે રનર્સઅપ ટીમને પણ ટ્રોફી અને રૂ. 25,000 રોકડ ઇનામ એનાયત કરાયું હતું. આ ટુર્નામેન્ટમાં બેસ્ટ બેટ્સમેન તરીકે સુણેવ ફાઈટરના અયાઝ પટેલ, જ્યારે બેસ્ટ બોલર તરીકે વી.ડી.સ્નિપર ઇલેવનના પરેશ પટેલ, અને વી.ડી.સ્નિપર ઇલેવનના જીગ્નેશ પટેલને બેસ્ટ ફિલ્ડર તેમજ મેન ઓફ ઘી સિરીઝ તરીકે રુહી કિંગના અંકિત પટેલને ટ્રોફી તેમજ રોકડ પુરસ્કાર આપવામાં આવ્યો હતો. તો ફાઇનલમાં આઈ.ટી. સંજાલી ઇલેવનના જીગ્નેશ વસાવાને મેન ઓફ ધી મેચ આપવામાં આવી હતી.
