અંકલેશ્વરના નોબલ માર્કેટ નજીક ગોડાઉનમાં રહેલા કચરા સહિત પ્લાસ્ટિકના જથ્થામાં આજે સવારે ભભૂકી ઉઠતા દોડધામ મચી ગઇ હતી.આગની જાણ થતાં જ ડી.પી.એમ.સી ફાયર બ્રિગેડના લાશ્કરો સ્થળ પર દોડી આવી આગ પર કાબૂ મેળવ્યો હતો.
અંકલેશ્વરમાં ભંગારના ગોડાઉનમાં આગ લાગવાના બનાવોમાં વધારો થયો છે. ગતરોજ સાજના અંસાર માર્કેટમાં આગનું છમકલું થયું હતું. ત્યારે આજે સવારે નોબલ માર્કેટમાં આવેલા ભંગારના ગોડાઉનમાં આગ ભભૂકી ઉઠતાં અફરા તફરીનો માહોલ સર્જોયો હતો. આ ભંગારના ગોડાઉનોમાં અમુક પ્લાસ્ટિક અને કેમીકલના ખાલી ડ્રમ હોવાના કરાણે આગ વધુ વિકરાળ બનતી હોય છે. આગને કારણે કાળા ભમ્મર ધૂમાડાના ગોટે ગોટા દૂર દૂર સુધી આકાશમાં નજરે પડતા હતાં.
બનાવની જાણ અંકલેશ્વર DPMC ના ફાયર બ્રિગેડના લાશ્કરોને કરવામાં આવતા તેઓ તાત્કાલિક સ્થળ ઉપર દોડી આવી આગ ઉપર કાબુ મેળવવાની કવાયત હાથ ધરી હતી. જોકે આગમાં કોઈ પણ જાનહાની થવા પામી ન હતી.
