હનીટ્રેપની પદ્ધતિ અપનાવી અને સેનાના જવાનો અને અન્ય મોટી સરકારી પોસ્ટ પર બેઠેલા કર્મચારીઓને તેનો શિકાર બનાવવાનું શરૂ કર્યું. જેમાં તે છોકરીઓના માધ્યમથી તેમને ફસાવતો અને તેમની પાસેથી બાતમી લેતો હતો. હવે આવી જ એક ટ્રેપ ગુજરાત પોલીસની ATS દ્વારા બહાર આવી છે. ATSએ BSFની CPWDની ઇલેક્ટ્રિક ઓફિસમાં કામ કરતા એક વ્યક્તિની ધરપકડ કરી છે, જે પાકિસ્તાનને ગુપ્ત માહિતી પહોંચાડતો હતો.
એટીએસના પોલીસ અધિક્ષક સુનિલ જોશીએ જણાવ્યું કે અમે કચ્છના ભુજના રહેવાસી નલેશ બલિયાની ધરપકડ કરી છે. તે BSFના CPWDની ઇલેક્ટ્રિક ઓફિસમાં કામ કરે છે. ગુજરાત ATSને માહિતી મળી હતી કે તે પાકિસ્તાની ઓપરેટિવના સંપર્કમાં છે. આ વ્યક્તિ પૈસાના બદલામાં આ પાકિસ્તાની ઓપરેટિવને સંવેદનશીલ માહિતી આપતો હતો. તેને જુદા જુદા પેટીએમ એકાઉન્ટમાંથી લગભગ રૂ. 28,800 મળ્યા છે. પોલીસ આ મામલે તપાસ કરી રહી છે તેણે કહ્યું કે અમે એક ટીમ બનાવી જેના પછી અમે તેના ફોન, બેંક એકાઉન્ટ પર નજર રાખી. અમને તપાસમાં ખબર પડી કે તે ‘અદિતિ’ નામની યુવતી સાથે વાત કરતો હતો. આ પાકિસ્તાની ઓપરેટિવ સમયાંતરે પૈસા પણ મોકલતો હતો. જો કે હાલમાં તપાસ કરવામાં આવી રહી છે કે આરોપીએ પાકિસ્તાનને કઈ માહિતી પહોંચાડી છે અને તે કેટલી સંવેદનશીલ છે, પરંતુ આ મામલો સામે આવ્યા બાદ સુરક્ષા એજન્સીઓ ઘણી સતર્ક બની ગઈ છે
