નોબલ માર્કેટ નજીક બે ટ્રક વચ્ચે અકસ્માત
અકસ્માતમાં ડ્રાઈવરનું ઘટના સ્થળે મોત
પોલીસે ગુનો નોંધી તપાસ હાથ ધરી
અંકલેશ્વર નેશનલ હાઇવે ઉપર આવેલ નોબલ માર્કેટ નજીક બે ટ્રક વચ્ચે અકસ્માત સર્જાતા ટેમ્પો ચાલકનું ગંભીર ઈજાઓને પગલે કરુણ મોત નીપજ્યું હતું
અંકલેશ્વર હાઈવે ઉપર ટ્રાફિકજામ બાદ અકસ્માતની ઘટના સામે આવી રહી છે. ગતરોજ ચાર વાહનો વચ્ચે અકસ્માતની ઘટના બની હતી, ત્યારે ગતરોજ મોડી રાતે ટેમ્પો નંબર-જી.જે.૦૬.બી.વી.૩૨૩૪નો ચાલક ભરૂચથી સુરત તરફ જઈ રહ્યો હતો, તે દરમિયાન અંકલેશ્વર નેશનલ હાઇવે ઉપર આવેલ નોબલ માર્કેટ નજીક પંચર પડેલ હાઈવાની પાછળ આઈસર ટેમ્પો ભટકાતા અકસ્માત સર્જાયો હતો. આ અકસ્માતમાં ટેમ્પો ચાલકને ગંભીર ઈજાઓ પહોંચતા તેનું ઘટના સ્થળે જ કરુણ મોત નીપજ્યું હતું .અકસ્માત અંગે પોલીસે ગુનો નોંધી તપાસ હાથ ધરી છે.
વિડીયો જર્નાલિસ્ટ આકાશ પાટીલ સાથે સત્યા ટીવી અંકલેશ્વર
