ને. હા.પર માર્ગ બિસ્માર બનતા ટ્રાફિકજામના દ્રશ્યો
ટ્રક ડિવાઈડર સાથે ભટકાતા ભારે ટ્રાફિકજામ
ટ્રાફિકજામને પગલે વાહન ચાલકોને હેરાન પરેશાન
ફસાયેલ ટ્રેલરને બહાર કાઢી ટ્રાફિક પૂર્વવત કરાવ્યો
આજરોજ સવારે અંકલેશ્વર નેશનલ હાઇવે ઉપર આવેલ આમલાખાડી પાસે ટ્રક ડિવાઈડર સાથે ભટકાતા ભારે ટ્રાફિકજામ સર્જાયો હતો
છેલ્લા કેટલાક દિવસથી અંકલેશ્વર નેશનલ હાઇવે ઉપર માર્ગ બિસ્માર બનતા ટ્રાફિકજામના દ્રશ્યો જોવા મળી રહ્યા હતા. હાલ જીલ્લા ટ્રાફિક અને હાઈવે ઓથોરીટી દ્વારા માર્ગની સમારકામની કામગીરી બાદ ફરી હાઇવેનો ટ્રાફિક હળવો કરાવવામાં આવ્યો હતો ,ત્યારે આજરોજ એક ટ્રેલર ભરૂચ તરફથી સુરત બાજુ જઈ રહ્યું હતું, તે દરમિયાન ચાલકનો સ્ટેયરીંગ ઉપર કાબુ નહિ રહેતા ટ્રેલર ડિવાઈડર સાથે ભટકાઈ ફસાઈ ગયું હતું ,જેને પગલે ટ્રાફિકજામ સર્જાયો હતો .આ ટ્રાફિકજામને પગલે વાહન ચાલકોને હેરાન પરેશાન થવાનો વારો આવ્યો હતો .આ અંગેની જાણ સ્થાનિક પોલીસ અને જીલ્લા ટ્રાફિક પોલીસને થતા પોલીસ કાફલો સ્થળ પર દોડી આવ્યો હતો, અને ક્રેઇન બોલાવી ડિવાઈડર ઉપર ફસાઈ ગયેલ ટ્રેલરને બહાર કાઢી ટ્રાફિક પૂર્વવત કરાવ્યો હતો.
વિડીયો જર્નાલિસ્ટ આકાશ પાટીલ સાથે સત્યા ટીવી અંકલેશ્વર
