તા.પં.દ્વારા મેરી મિટ્ટી મેરા દેશ કાર્યક્રમ યોજાયો
ધારાસભ્યએ શીલાફલકમનું કર્યું અનાવરણ
કચેરીના કમ્પાઉન્ડ ખાતે વૃક્ષારોપણ કર્યું
હાથમાં,કોડિયામાં માટી લઈ પંચપ્રણના લીધા શપથ
આભાર વિધિ કરાવી વીર જાવાનોનું સન્માન કર્યું
અંકલેશ્વર તાલુકા પંચાયત ખાતે ધારાસભ્ય ઈશ્વરસિંહ પટેલની ઉપસ્થિતિમાં મેરી મિટ્ટી મેરા દેશ અંતર્ગત કાર્યક્રમ યોજાયો હતો.
અંકલેશ્વર તાલુકા પંચાયત દ્વારા મેરી મિટ્ટી મેરા દેશ મિટ્ટી કો નમન,વીરો કો વંદન અંતર્ગત કાર્યક્રમ યોજાયો હતો, જેમાં ધારાસભ્ય ઈશ્વરસિંહ પટેલ હસ્તે શહીદ વીરોની યાદમાં બનાવેલ શીલા ફલકમનું અનાવરણ કરવામાં આવ્યું હતું. આ કાર્યક્રમ હેઠળ કચેરીના કમ્પાઉન્ડ ખાતે વૃક્ષારોપણ કરી વસુંધા વંદનમ કર્યું હતુ. આ કાર્યક્રમમાં સૌ કોઈએ હાથમાં અને કોડિયામાં માટી લઈ પંચપ્રણના શપથ લીધા હતાં ,જે બાદ વીરોને વંદન કરી ધ્વજ વંદન અને રાષ્ટ્રગાન સાથે કાર્યક્રમની આભાર વિધિ કરવામાં આવી હતી સાથે વીર જાવાનોનું સન્માન કરવામાં આવ્યું હતું આ કાર્યક્રમમાં જિલ્લા પંચાયત ઉપ પ્રમુખ ભરત પટેલ,તાલુકા પંચાયત પ્રમુખ અનિલ પટેલ અને કારોબારી અધ્યક્ષ અલ્પેશ પટેલ,તાલુકા ભાજપ પ્રમુખ નિતેન્દ્રસિંહ દેવધરા સહિત આમંત્રિતો ઉપસ્થિત રહ્યા હતા.
વિડીયો જર્નાલિસ્ટ આકાશ પાટીલ સાથે સત્યા ટીવી અંકલેશ્વર
