અંકલેશ્વર તાલુકાનાં બે અલગ અલગ ગામોમાં તસ્કરોએ બે મકાનોને નિશાન બનાવી ડોલર અને સોના-ચાંદીના ઘરેણાં મળી કુલ 76 હજારથી વધુના મુદ્દામાલની ચોરી કરી ફરાર થઈ ગયા હતા
અંકલેશ્વર તાલુકાનાં તસ્કરો બેફામ બન્યા હોવાનો કિસ્સો સામે આવ્યો છે.તસ્કરોએ અંકલેશ્વરના ભડકોદરા ગામની આદિત્ય નગરમાં આવેલ પારૂલબેન વિજય રજનીકાંત અમિનને ગત તારીખ-16મી ઓગસ્ટથી મકાન માલિક દંપતી મહારાષ્ટ્રના પૂના ખાતે રહેતા પુત્રના ઘરે ગયા હતા તે દરમિયાન નિશાન બનાવ્યું હતું તસ્કરોએ મકાનની લોખંડની ગ્રીલના દરવાજાને થોડી અંદર પ્રવેશ કર્યો હતો અને મકાનમાં રહેલ ચાંદીના ઘરેણાં અને ઓસ્ટેલિયન અને અમેરિકનના 50 ડોલર મળી કુલ 56 હજારના મુદ્દામાલની ચોરી કરી ફરાર થઈ ગયા હતા
જ્યારે આવી જ રીતે અંકલેશ્વર તાલુકાનાં બાકરોલ ગામના સ્કૂલ ફળિયામાં રહેતા જોશનાબેન મનોજકુમાર નથુની ચૌહાણ ગુરુવારના રોજ પાનોલી જી.આઈ.ડી.સી.ની જે.બી મોદી કંપનીમાં ફસ્ટ શિફ્ટમાં નોકરી ઉપર ગયા હતા અને તેઓના પતિ ઘરે હતા તે દરમિયાન જોશનાબેનના પતિ પતિને લેવા કંપની ઉપર ગયા હતા તે દરમિયાન તસ્કરોએ મકાનના પાછળના દરવાજાની કુંડીને ખોલી અંદર પ્રવેશ કર્યો હતો અને સોનાની 15 હજારની બુટ્ટીની જોડીની ચોરી કરી ફરાર થઈ ગયા હતા બંને ચોરીની ઘટના અંગે પોલીસે ગુનો નોંધી તપાસ હાથ ધરી છે
