સતત ત્રીજે દિવસે શાહરૂખ ખાનની ‘જવાન’એ મચાવી ઘૂમ

જવાન ફિલ્મ બોક્સ ઓફિસ પર સારી કમાણી કરી રહી છે. પહેલા દિવસથી જ જવાન ઘૂમ મચાવી રહી છે. લોકોમાં આ ફિલ્મને લઈને એટલો ક્રેઝ છે,કે. શરૂઆતથી સારી કમાણી કરી રહી છે. આ જવાને શરૂઆતના દિવસોથી ઘણા રેકોર્ડ તોડ્યા છે. બીજા દિવસે ફિલ્મના કલેક્શનમાં થોડો ઘટાડો થયો હતો પરંતુ ત્રીજા દિવસે ફિલ્મ પેવેલિયનમાં પરત આવી ગઈ છે. જો રિપોર્ટ્સનું માનીએ તો જવાન શનિવારે એક શાનદાર કલેક્શન કરવા જઈ રહ્યી છે. શનિવારની રજા હોવાનો લાભ લઈને લોકો સવારે શાહરૂખની ફિલ્મ જોવા માટે ત્યાં પહોંચી રહ્યા છે. ચાલો તમને જણાવીએ કે ત્રીજા દિવસે એક ફિલ્મે કેટલો બિઝનેસ કર્યો..

જવાને ભારતમાં બે દિવસમાં 127 કરોડ રૂપિયાનો બિઝનેસ કર્યો છે. હવે ત્રીજા દિવસના કલેક્શન બાદ ફિલ્મ 200 કરોડના ક્લબમાં પ્રવેશ કરી શકે છે. ટ્રેડ એનાલિસ્ટ સુમિત કડેલના જણાવ્યા અનુસાર, શુક્રવારની સરખામણીમાં શનિવારે સવારના શોમાં 70 ટકા સુધીની વૃદ્ધિ જોવા મળી છે. જો આખા દિવસની વાત કરીએ તો આ ગ્રોથ 50 ટકા વધશે.

SACNILCના રિપોર્ટ અનુસાર, જવાને બીજા દિવસે હિન્દીમાં 47 કરોડ રૂપિયા, તમિલમાં 3.5 કરોડ રૂપિયા અને તેલુગુમાં 2.5 કરોડ રૂપિયા એકત્ર કર્યા છે, જે કુલ 53 કરોડ રૂપિયા થાય છે. રિપોર્ટ અનુસાર જવાન ત્રીજા દિવસે 70-75 કરોડ રૂપિયા સુધીનું કલેક્શન કરી શકે છે. જે બાદ કુલ કલેક્શન 197.50 કરોડ થઈ જશે.

જવાન આખી દુનિયામાં સારો બિઝનેસ કરી રહ્યો છે. વિશ્વભરમાં આ ફિલ્મ 200 કરોડના ક્લબમાં સામેલ થઈ ગઈ છે. પહેલા દિવસે જવાને વિશ્વભરમાં 129 કરોડ રૂપિયાનું કલેક્શન કર્યું હતું.અને બીજા દિવસે તેણે 102 કરોડ રૂપિયાનો બિઝનેસ કર્યો હતો. જે બાદ કુલ કલેક્શન 231 કરોડ થઈ ગયું છે. સપ્તાહના અંત સુધીમાં આ કલેક્શન 300 કરોડ રૂપિયાના આંકડાને પાર કરી જશે.