જૂના કાંસિયાથી માંડવા પાસે દારૂનું કટિંગ
વિદેશી દારૂની 105 નંગ બોટલ કરી કબ્જે
3.65 લાખના મુદ્દામાલ સાથે ઝડપી પાડ્યા
ડહેલી ગામના બે ઈસમોની ધરપકડ
અન્ય એક ઈસમ ફરાર
અંકલેશ્વર બી ડિવિઝન પોલીસે જૂના કાંસિયાથી માંડવા તરફ ખાડી પાસેથી વિદેશી દારૂનું કટિંગ કરતાં ત્રણ પૈકી બે ઈસમોને 3.65 લાખના મુદ્દામાલ સાથે ઝડપી પાડ્યા હતા.
અંકલેશ્વર બી ડિવિઝન પોલીસ મથકનો સ્ટાફ પેટ્રોલિંગમા હતો, તે દરમિયાન બાતમી મળી હતી કે, જૂના કાંસિયાથી માંડવા તરફ ખાડી પાસેથી વિદેશી દારૂનું કટિંગ થનાર છે. જેવી બાતમીના આધારે પોલીસે વોચ ગોઠવી હતી. તે દરમિયાન કાર નંબર-જી.જે.06.કે.પી.8268 અને એક્સેસ મોપેડ નંબર-જી.જે.16.ડી.ડી.5056 આવતા પોલીસે દરોડા પાડ્યા હતા .પોલીસે સ્થળ પરથી વિદેશી દારૂની 105 નંગ બોટલ કબ્જે કરી હતી. પોલીસે 10 હજારનો દારૂ અને ત્રણ લાખની કાર તેમજ 50 હજારની મોપેડ મળી કુલ 3.65 લાખનો મુદ્દામાલ જપ્ત કર્યો હતો .અને વાલિયા તાલુકાનાં ડહેલી ગામના પિઠોર ખાડી ફળિયામાં રહેતો સંદીપ મહેન્દ્ર વસાવા,અનિલ વિનોદ વસાવાને ઝડપી પાડ્યો હતો. જ્યારે પ્રવીણ ઈશ્વર વસાવા ફરાર થઈ ગયો હતો.
વિડીયો જર્નાલિસ્ટ કરણસિંહ સાથે સત્યા ટીવી અંકલેશ્વર
