વિદેશી દારૂના જથ્થાઝડપાયા
દારૂ સાથે બે બુટલેગરો ઝડપાયા
અન્ય ત્રણ બુટલેગરોને વોન્ટેડ
અંકલેશ્વર શહેરના બે અલગ અલગ વિસ્તારમાંથી વિદેશી દારૂના જથ્થા સાથે બે બુટલેગરોને ભરુચ એલસીબીએ ઝડપી પાડ્યા હતા જ્યારે અન્ય ત્રણ બુટલેગરોને વોન્ટેડ જાહેર કર્યા હતા.
ભરુચ એલસીબીનો સ્ટાફ અંકલેશ્વર શહેરમાં પેટ્રોલિંગમા હતો તે દરમિયાન બાતમી મળી હતી કે નવાદીવા ગામનો શામજી ફળિયામાં રહેતો બુટલેગર કિશન મના વસાવા તેના માણસો થકી વિદેશી દારૂનું વેચાણ કરાવે છે જેવી બાતમીના આધારે પોલીસે દરોડા પાડ્યા હતા પોલીસે શામજી ફળિયામાં ગલ્લાની નજીક ઉભેલ ગામના સ્કૂલ ફળિયામાં રહેતો પ્રિન્સકુમાર મુન્ના વસાવા પાસેથી વિદેશી દારૂની 18 નંગ બોટલ મળી કુલ 15 હજારથી વધુનો મુદ્દામાલ કબ્જે કર્યો હતો અને પ્રિન્સકુમારને ઝડપી પાડ્યો હતો જ્યારે કિશન વસાવા તેમજ રામુ વસાવાને વોન્ટેડ જાહેર કરી વધુ તપાસ હાથ ધરી છે.
જ્યારે ભરુચ એલસીબીને બાતમી મળી હતી કે પંચાટી બજાર વિસ્તારમાં આવેલ પાંજરાપોળ પાસે બુટલેગર હરેશ પરભુ વસાવા પોતાના માણસો થકી પોતાના ઘર પાસે વિદેશી દારૂનું વેચાણ કરાવે છે.જેવી બાતમીના આધારે પોલીસે દરોડા પાડ્યા હતા પોલીસે સ્થળ પરથી વિદેશી દારૂની 26 નંગ બોટલ મળી કુલ 2 હજારથી વધુનો મુદ્દામાલ કબ્જે કર્યો હતો અને રવિન્દ્ર બચુ વસાવાને ઝડપી પાડ્યો હતો જ્યારે બુટલેગર હરેશ વસાવાને વોન્ટેડ જાહેર કરી વધુ તપાસ હાથ ધરી છે.
