અંકલેશ્વરમાં બે અલગ અલગ માર્ગ અકસ્માતની ઘટનામાં બે લોકોના મોત નિપજ્યાં હતા.
મૂળ રાજસ્થાનના ટ્રક ચાલક હણુતારામ હનુમાનરામ ગત તારીખ-27મી ઓગસ્ટના રોજ પોતાની ટ્રક અંકલેશ્વર હાઇવે ઉપર મહાદેવ હોટલ પાસે પોતાની ટ્રક નંબર-જી.જે.15.એ.ટી.2882 પાર્ક કરી ભારત પેટ્રોલ પંપ પાસે રાતે 9 કલાકે રોડ ઓળંગી રહ્યો હતો તે દરમિયાન પુરપાટ ઝડપે ધસી આવેલ અજાણ્યા વાહન ચાલકે રાહદારી ટ્રક ડ્રાઈવરને ટક્કર મારતા અકસ્માત સર્જાયો હતો.આ અકસ્માતમાં હણુતારામ હનુમાનરામનું ગંભીર ઇજાઓને પગલે ઘટના સ્થળે જ કરૂણ મોત નીપજયું હતું.અકસ્માત અંગે અંકલેશ્વર બી ડિવિઝન પોલીસે ગુનો નોંધી તપાસ હાથ ધરી છે.
જ્યારે ગતરોજ સાંજના સમયે સજોદ ગામના ટેકરો ઉતરતા બાઇક નંબર-જી.જે.16.ડી.એ..7415 લઈ હાંસોટથી અંકલેશ્વર આવતા 48 વર્ષીય બાબુસિંહ મલ્ખાનસિંહને અજાણ્યા વાહન ચાલકે ટક્કર મારતા અકસ્માત સર્જાયો હતો.આ અકસ્માતમાં બાબુસિંહને ગંભીર ઇજાઓ પહોંચતા તેને તાત્કાલિક સારવાર માટે અંકલેશ્વરની ખાનગી હોસ્પિટલમાં ખસેડવામાં આવ્યા હતા જ્યાં તબીબે તેઓને તપાસી મૃત જાહેર કર્યા હતા.અકસ્માત અંગે તાલુકા પોલીસે ગુનો નોંધી તપાસ હાથ ધરી છે.
