અંકલેશ્વરના આંબોલી ગામે અગાઉના ઝઘડાની બાબતે સમાધાન વેળા બબાલ
બબાલ થતા સામસામે પોલીસ ફરિયાદ નોંધાવવા પામી
શહેર પોલીસે સામસામે ગુનો નોંધી તપાસ હાથ ધરી
અંકલેશ્વરના આંબોલી ગામે અગાઉના ઝઘડાની બાબતે સમાધાન વેળા બબાલ થતા સામસામે પોલીસ ફરિયાદ નોંધાવવા પામી છે
ઝઘડિયા તાલુકાના રાજપારડી ગામના સડક ફળિયામાં રહેતો અનીલ મયજી વસાવા પોતાના મિત્ર કિરણ વસાવા સાથે અંકલેશ્વર ખાતે કપડા ખરીદી કરવા ગયો હતો તે દરમિયાન ગત તારીખ-૨૦મી જુલાઈના રોજ તેના મિત્ર આશિષ તેમજ મૂળ રાણીપુરા અને હાલ અંકલેશ્વરના આંબોલી ગામે રહેતો હિતેશ ઉર્ફે મંગળ સોમા વસાવા સાથે દેવ મોગરા ખાતે ઝઘડો થયો હતો જે ઝઘડાના સમાધાન અર્થે આંબોલી ગામે ગયા હતા તે વેળા હિતેશ વસાવા સાથે વાત ચિત ચાલી રહી હતી તે સમયે હિતેશ ઉર્ગે મંગળ વસાવા અચાનક ઉશ્કેરાઈ જઈ અનીલ વસાવા સાથે ઝઘડો કરી તેને લોખંડની પાઈપ માથાના ભાગે મારી દેતા અનીલ વસાવાને માથામાં ઈજાઓ પહોંચતા તેને સારવાર અર્થે મિત્રએ ભરૂચ સિવિલ હોસ્પિટલ ખાતે ખસેડ્યો હતો જયારે સામે પક્ષે હિતેશ વસાવાએ નોંધાવેલ ફરિયાદ અનુસાર અનીલ વસાવા અને તેના ત્રણ મિત્રો આંબોલી ગામના બસ સ્ટેન્ડ પાસે આવ્યો હતો જે પોતાની મોટર સાઇકલમાંથી ચપ્પુ કાઢતો હોય તેવું ભાવેશભાઈને થતા તેઓએ અન્ય ગામના યુવાનો બોલાવી લીધા હતા અને ઝઘડો થતા ઝપાઝપી થઇ હતી જે ઝઘડામાં અનીલ વસાવા ચપ્પુ વડે હુમલો કરી જાનથી મારી નાખવાની કોશિશ કરે તે બીકે ઝઘડો થયો હતો મારામારી અંગે શહેર પોલીસે સામસામે ગુનો નોંધી તપાસ હાથ ધરી છે.
વિડિઓ જર્નલિસ્ટ સુનિલ પરમાર સત્યા ટીવી અંકલેશ્વર
