પશુ ચોરી બાબતે મહિલા સહીત ત્રણ ઈસમોએ મહિલાને માર્યો માર
મહિલાને ઊંઘું ધારીયું મારતા તેને ઈજાઓ પહોંચી
મારામારી અંગે તાલુકા પોલીસે ગુનો નોંધી તપાસ હાથ ધરી
અંકલેશ્વર તાલુકાના આલુંજ ગામના નોરાત ફળીયામાં પશુ ચોરી બાબતે મહિલા સહીત ત્રણ ઈસમોએ મહિલાને માર મારતા પોલીસ ફરિયાદ નોંધાવવા પામી છે.
અંકલેશ્વર તાલુકાના આલુંજ ગામના નોરાત ફળીયામાં રહેતી નસીમા સલીમ ઇશાક જોગયાત ગત તારીખ-૨૧મી જુલાઈના રોજ સાંજે પોતાના ઘરે હતા તે દરમિયાન ગામના સુલેમાન ઇકબાલ જોગીયાત,આસિફ અબ્દુલ જોગીયાત બાઈક ઉપર ધારિયા સાથે આવ્યા હતા અને અમારી ભેંસની પાડી કેમ ચોરી તેમ કહી ઝઘડો કર્યો હતો તે વેળા બીબી અબ્દુલ જોગીયાત પણ ત્યાં આવી પહોંચી હતી અને ત્રણેય જણાએ ભેગા મળી મહિલાને ધીક્કા પાટુનો માર માર્યો હતો જયારે આસિફ અબ્દુલ જોગીયાતે મહિલાને ઊંઘું ધારીયું મારતા તેને ઈજાઓ પહોંચી હતી મારામારી અંગે તાલુકા પોલીસે ગુનો નોંધી તપાસ હાથ ધરી છે.
વિડિઓ જર્નલિસ્ટ સુનિલ પરમાર સત્યા ટીવી અંકલેશ્વર
