પત્ની ઉપર ચપ્પુ વડે હુમલો કરનાર પતિ વિરુદ્ધ ગુનો નોંધાયો
ગોયા બજાર ગરબા જોવા જતી પત્ની પર કર્યો હતો હુમલો
બનાવ અંગે શહેર પોલીસે ગુનો નોંધી તપાસ હાથ ધરી
અંકલેશ્વરના ગોયા બજાર ગરબા જોવા જતી પત્ની ઉપર ચપ્પુ વડે હુમલો કરનાર પતિ વિરુદ્ધ શહેર પોલીસે ગુનો નોંધી તપાસ હાથ ધરી છે
મૂળ કરશનવાડી સુરતી ભાગોળ અને હાલ ગોયા બજાર માલી ખડકી મોટા રામજી મંદિર પાસે રહેતી ૨૩ વર્ષીય ઝંખનાબેન અશોક પટેલના લગ્ન ૨૦૧૭માં ગોયા બજાર માલી ખડકી મોટા રામજી મંદિર પાસે રહેતા ગૌરાંગ માણેકભાઈ પટેલ સાથે થયા હતા લગ્નજીવન દરમિયાન તેઓને પુત્રનું સુખ મળ્યું છે ગત તારીખ-૪થી ઓક્ટોબરના રોજ રાતે નવરાત્રીમાં પિયરથી માલી ખડકી મોટા રામજી મંદિરે ગરબા જોવા માટે પુત્ર સાથે જતા હતા તે દરમિયાન રાતે પોણા બારેક વાગ્યે ગોયા બજાર ચેતન ચંદુ પટેલના ઘર પાસે પત્નીના ચરિત્ર પર ખોટો શક અને વહેમ રાખી પાછળથી દોડી આવેલ પતિ ગૌરાંગ પટેલે તેણીને અંધારામાં ખેંચી જઈ માર મારી પોતાના ખિસ્સામાં રહેલ ચપ્પુ મારી ઈજાઓ પહોંચી હતી ઈજાઓને પગલે ઈજાગ્રસ્ત ઝંખનાબેન પટેલને તાત્કાલિક સારવાર માટે ભરૂચની સિવિલ હોસ્પિટલ ખાતે ખસેડવામાં આવી હતી બનાવ અંગે શહેર પોલીસે ગુનો નોંધી તપાસ હાથ ધરી છે.
વિડિઓ જર્નલિસ્ટ સુનિલ પરમાર સાથે સત્યા ટીવી અંકલેશ્વર
