અંકલેશ્વરમાં બાઈક પર સવાર એક યુવાનને દોડાવી દોડાવી માર માર્યો
પિઝા ખાવા ગયેલ યુવાનને માર મારતા પોલિસ ફરિયાદ નોંધાઈ
મારામારી અંગે શહેર એ ડીવીઝન પોલીસે ગુનો નોંધી તપાસ હાથ ધરી
અંકલેશ્વરના તુલસી સ્ક્વેરથી એશિયાડનગર વચ્ચે આંબોલી રોડ પર અગાઉના ઝઘડાની રીસ રાખી ચાર ઈસમોએ બે બાઈક ઉપર સવાર થઇ એક યુવાનને દોડાવી દોડાવી માર મારતા પોલીસ ફરિયાદ નોંધાઈ
અંકલેશ્વરના પંચાટી બજાર વિસ્તારના મેવાડા ફળિયાની નીચલી ખડકીમાં રહેતા હશનેન સાજીદ શેખ ગતરોજ રાતે પોતાના બે મિત્રો સાથે અંકલેશ્વર-હાંસોટ માર્ગ ઉપર આવેલ અંકલેશ્વરના તુલસી સ્ક્વેર ખાતે પીઝા ખાવા ગયા હતા તે દરમિયાન તેઓએ ઓર્ડર આપી બેઠા હતા તે વેળા અંકલેશ્વર-હાંસોટ રોડ ઉપર આવેલ શિરોમણી બંગ્લોઝમાં રહેતો પાર્થ મહેન્દ્ર પટેલ સહીત ચાર ઈસમો ત્યાં ધસી આવેલ ચાર ઈસમો હશનેન સાજીદ શેખના પિતાની પીઝાની લારી ઉપર થયેલ ઝઘડાની રીસ રાખી માથાકૂટ કરવા આવ્યો હોવાની શંકા જતા યુવાન પીઝાની દુકાનમાંથી નીકળી તુલસી સ્ક્વેરથી એશિયાડનગર વચ્ચે આંબોલી રોડ ઉપર ભાગવા લાગતા બે બાઈક ઉપર પાર્થ પટેલ સહીત ચાર ઈસમોએ પીછો કરી યુવાનને પકડી પડી તેને અપશબ્દો ઉચ્ચારી આવેશમાં આવી ગયેલા ચારેય ઈસમોએ લાકડી અને ઘાતક હથિયાર વડે માર મારતા હશનેન શેખ ઈજાઓ પહોંચી હતી ઈજાઓને પગલે ઈજાગ્રસ્તને તાત્કાલિક સારવાર માટે અંકલેશ્વરની ખાનગી હોસ્પિટલમાં ખસેડવામાં આવ્યો હતો મારામારી અંગે શહેર એ ડીવીઝન પોલીસે ગુનો નોંધી તપાસ હાથ ધરી છે.
વિડીયો જર્નાલિસ્ટ આકાશ પાટીલ સાથે સત્યા ટીવી અંકલેશ્વર
