અંકલેશ્વર ફર્નિચરની દુકાન સામે સર્જાયું ધીંગાણું
બે કોમના જૂથ વચ્ચે સર્જાયું ધીંગાણું
ધીંગાણું સર્જાતા ત્રણ લોકોને ઇજાઓ પહોંચી
દુકાન પર આવી અપશબ્દો ઉંચ્ચારી કરી માથાકૂટ
લોખંડના સળિયા વડે માર માર્યો
મારામારી અંગે ફરિયાદ નોંધી તપાસ હાથ ધરી
અંકલેશ્વરના બ્રિજ નગરમાં આવેલ સજાવટ ફર્નિચરની દુકાન સામે અગાઉના ઝઘડાની રીસ રાખી બે કોમના એક જૂથ વચ્ચે ધીંગાણું સર્જાતા ત્રણ લોકોને ઇજાઓ પહોંચી હતી.
અંકલેશ્વરના પીરામણ નાકા સ્થિત હલીમશા દરગાહની સામે રહેતા મોહમ્મદ આશિફ ગુલામનબી રંગરેન્જ અંકલેશ્વરના બ્રિજ નગરમાં આવેલ સજાવટ ફર્નિચરની દુકાન ચલાવે છે જેઓ ગતરોજ સાંજના સમયે તેઓની દુકાન ઉપર હતા તે દરમિયાન અગાઉના ઝઘડાની રીસ રાખી બ્રિજ કોમ્પલેક્ષમાં રહેતા અહમદ હનીફ રંગરેંજ તેઓની દુકાન ઉપર આવી અપશબ્દો ઉંચ્ચારી માથાકૂટ કરી હતી આ ઝઘડામાં ઉશ્કેરાયેલા અહમદ હનીફ રંગરેંજ,અલ્તમશ રંગરેંજ તેમજ એહમદ હુસેન રંગરેન્જએ લોખંડના પાઇપ વડે દુકાનદારને માર મારી ઇજાઓ પહોંચાડી હતી
જ્યારે સામે પક્ષના મહંમદ અલ્તમશ મહંમદ હનીફ રંગરેન્જ પોતાના ગોડાઉન પર જઈ રહ્યો હતો તે વેળા ન્યુઝ સજાવટ ફર્નિચરના મોહમ્મદ આશિફ ગુલામનબી રંગરેન્જએ તારે માર ખાવો છો તેમ કહી અપશબ્દો ઉચ્ચારી માથાકૂટ કરી ઝઘડામાં આવેશમાં આવી ગયેલા મોહમ્મદ આશિફ ગુલામનબી રંગરેન્જએ મહંમદ અલ્તમશ મહંમદ હનીફ રંગરેન્જને લોખંડના સળિયા વડે માર માર્યો હતો બંને મારામારી અંગે શહેર એ ડિવિઝન પોલીસે સામસામે ફરિયાદ નોંધી તપાસ હાથ ધરી છે.
વિડીયો જર્નાલિસ્ટ આકાશ પાટીલ સાથે સત્યા ટીવી અંકલેશ્વર
