ઓમકાર-૨ના ગાર્ડનમાં સંતાડેલ દારૂનો જથ્થો
પાર્સલ ગાડીના ચાલકને ઝડપી પાડ્યો
પાર્સલ લેવા આવનાર પર ગોઠવી વોચ
કુલ ૩૩ હજારથી વધુનો મુદ્દામાલ કર્યો કબજે
અંકલેશ્વર બી ડીવીઝન પોલીસે ઓમકાર-૨ કોમ્પલેક્ષના ગાર્ડનમાં સંતાડેલ વિદેશી દારૂનો જથ્થો લેવા આવેલ પાર્સલની ગાડીના ચાલકને ૩૩ હજારના મુદ્દામાલ સાથે ઝડપી પાડ્યો હતો.
અંકલેશ્વર બી ડીવીઝન પોલીસ મથકનો સ્ટાફ પેટ્રોલિંગમાં હતો, તે દરમિયાન બાતમી મળી હતી, કે પ્રતિન ચોકડી વિસ્તારમાં આવેલ ઓમકાર-૨ કોમ્પ્લેક્ષના ગાર્ડનમાં ઝાડીની વચ્ચે પાર્સલ ગાડીના ચાલક બે પાર્સલમાં વિદેશી દારૂ સંતાડી અમદાવાદ ખાતે ગયો છે, અને તે ફરી આ વિદેશી દારૂના પાર્સલ લેવા આવનાર છે.જેવી બાતમીના આધારે બી ડીવીઝન પોલીસે વોચ ગોઠવી હતી, તે દરમિયાન બાતમી વાળો ઇસમ વિદેશી દારૂનો જથ્થો લેવા આવતા જ પોલીસે દરોડા પાડ્યા હતા .પોલીસે સ્થળ પરથી વિદેશી દારૂના પાઉચ અને બોટલ મળી કુલ ૧૯૧ નંગ બોટલ અને એક ફોન મળી કુલ ૩૩ હજારથી વધુનો મુદ્દામાલ કબજે કર્યો હતો,અને પાર્સલ ગાડીના ચાલક મૂળ રાજસ્થાનના મોલેલા ગામના કિશનસિંગ શંકરસિંગ રાજપૂતને ઝડપી પાડ્યો હતો.
વિડીયો જર્નાલિસ્ટ આકાશ પાટીલ સાથે સત્યા ટીવી અંકલેશ્વર
