ભારતને ગુરુવારે યજમાન બાંગ્લાદેશ સાથે SAFF મહિલા અંડર-19 ફૂટબોલ ચેમ્પિયનશિપના સંયુક્ત વિજેતા જાહેર કરવામાં આવ્યા હતા. મેચ અધિકારીઓએ સિક્કો ફેંકીને ભારતને ટૂર્નામેન્ટનો વિજેતા જાહેર કરતાની સાથે જ બાંગ્લાદેશી ચાહકોએ મેદાન પર પથ્થરો અને બોટલો ફેંકવાનું શરૂ કરી દીધું હતું. આ પછી આ પરિણામ પાછું ખેંચી લેવામાં આવ્યું હતું અને બંને ટીમોને સંયુક્ત વિજેતા જાહેર કરવામાં આવી હતી. નિર્ધારિત 90 મિનિટની રમત બાદ બંને ટીમો વચ્ચેની રમત 1-1ની બરાબરી પર સમાપ્ત થઈ હતી. આ પછી, પેનલ્ટી શૂટઆઉટ થયું, તે પણ ટાઈ રહ્યું અને ગોલકીપર્સ સહિત બંને ટીમના તમામ 11 ખેલાડીઓએ તેમની પેનલ્ટી કિકને ગોલમાં ફેરવી.
