તેલંગાણાના સિકંદરાબાદ કેન્ટના BRS ધારાસભ્ય લસ્યા નંદિતાનું માર્ગ અકસ્માતમાં મૃત્યુ થયું હતું. ધારાસભ્ય પોતાની કારમાં મુસાફરી કરી રહ્યા હતા. સંગારેડીના અમીનપુર મંડલ વિસ્તારમાં સુલતાનપુર આઉટર રિંગ રોડ પર તેમની કારે નિયંત્રણ ગુમાવ્યું અને ડિવાઈડર સાથે અથડાઈ હતી. આ માર્ગ અકસ્માતમાં ધારાસભ્ય લસ્યા નંદિતાને ગંભીર ઈજાઓ થઈ હતી અને સારવાર દરમિયાન તેમનું મોત થયું હતું. આ અકસ્માતમાં તેનો કાર ચાલક પણ ગંભીર રીતે ઘાયલ થયો છે અને તેની હોસ્પિટલમાં સારવાર ચાલી રહી છે. BRS ચીફ કેસીઆરએ લાસ્યા નંદિતાના અકાળે નિધન પર શોક વ્યક્ત કર્યો છે. તેમણે કહ્યું કે એક યુવાન ધારાસભ્ય તરીકે તેમના કામ માટે જાણીતી લસ્યા નંદિતાના માર્ગ અકસ્માતમાં મૃત્યુથી હું દુખી છું. આ દુખદ સમયમાં મારી સંવેદના તેમના પરિવાર સાથે છે.
