અંક્લેશ્વર શહેર બી ડીવીઝન પોલીસને જી.આઈ.ડી.સી. બસ ડેપોમાંથી મળી આવેલ બાળકને તેના પિતા સાથે સુખદ મિલન કરાવતા લાગણી સભર દ્રશ્યો સર્જાયા હતા

રાજ્યમાં ગુમ થનાર સગીર વયના બાળકોને શોધી કાઢવા માટે વડોદરા રેન્જ આઈ.જી સંદીપ સિંહ અને ભરૂચ જિલ્લા પોલીસ મયુર ચાવડા દ્વારા સૂચનાઓ આપેલ જેને આધારે ડી.વાય.એસ.પી. સી.કે.પટેલના માર્ગ દર્શન હેઠળ અંકલેશ્વર બી ડિવીઝનના પી.આઈ. વી.કે.ભુતીયા સહિત સ્ટાફ પેટ્રોલિંગમાં હતો તે દરમિયાન અંક્લેશ્વર જી.આઈ.ડી.સી. બસ ડેપોમાં આવતા એક બાળક આજુબાજુ ફરતો હોવા સાથે મુંજવણમાં હોવાનું જણાતા પોલીસે તેને પોલીસ સ્ટેશન ખાતે લઈ આવી ચાઈલ્ડ વેલ્ફેર ઓફીસર દ્વારા પુછપરછ કરતા સગીર વયનો બાળક તેના ગામના ખેતારામ સાથે કીમ ખાતે આવેલ અને ત્યાંથી કોઈને કહ્યા વીના કીમથી અંડલેશ્વર જી.આઈ.ડી.સી. બસ ડેપો ખાતે આવી ગયો હોવાનું જણાવ્યું હતું. પોલીસે રાજસ્થાનના ઉદેપુર ખાતે રહેતા તેના પિતાનો સંપર્ક કરી અંકલેશ્વર શહેર બી ડીવીઝન પોલીસ સ્ટેશન બોલાવી સગીર વયને તેના પિતા સાથે સુખદ મિલન કરાવતા લાગણી સભર દ્રશ્યો સર્જાયા હતા.