માર્ચમાં 10 ટકાના વધારા બાદ એપ્રિલમાં પણ સોનાના ભાવમાં રેકોર્ડ વધારો જોવા મળ્યો છે. ફેડરલ રિઝર્વ દ્વારા જાહેર કરાયેલા ફુગાવાના આંકડા બાદ સોનાના ભાવમાં વધારાને વધુ વેગ મળ્યો છે. હવે ઈઝરાયેલ અને ઈરાન વચ્ચે વધતા તણાવને કારણે ફરી સોનાની કિંમતમાં વધારો થવાની સંભાવના છે.દિલ્હીમાં 24 કેરેટ સોનાનો ભાવ 74 હજાર રૂપિયાની ઉપર પહોંચી ગયો છે. એપ્રિલમાં એટલે કે લગભગ 9 દિવસમાં સોનાનો ભાવ 70,605 રૂપિયા પ્રતિ 10 ગ્રામથી 3765 રૂપિયા વધીને 74,370 રૂપિયા પ્રતિ 10 ગ્રામ થઈ ગયો છે. એ જ રીતે ચાંદીના ભાવમાં પણ ઝડપથી વધારો થયો છે. 1 એપ્રિલે બજારમાં ચાંદીની બુલિયનની કિંમત 78 હજાર રૂપિયા પ્રતિ કિલોગ્રામ હતી, પરંતુ હવે તે 85 હજાર 500 રૂપિયા પ્રતિ કિલો સુધી પહોંચી ગઈ છે.
વાસ્તવમાં સોના અને ચાંદીને સલામત રોકાણ ગણવામાં આવે છે. આવી સ્થિતિમાં યુદ્ધ અથવા વધતી મોંઘવારી વચ્ચે, લોકો વધુ જોખમ લીધા વિના સોના અને ચાંદીમાં રોકાણ કરવાનું પસંદ કરે છે. હવે ઈરાન અને ઈઝરાયેલ વચ્ચેના યુદ્ધને કારણે સોનાની માગ ઝડપથી વધી રહી છે, જેના કારણે તેના દરમાં પણ વધારો થશે.
