અંકલેશ્વર શહેર પોલીસ મથક ખાતે શાંતિ સમિતિ બેઠક યોજાય,વિભાગીય પોલીસ વડાની અઘ્યક્ષતામાં યોજાય બેઠક, તાજીયા કમિટીના સભ્યો અને મુસ્લિમ આગેવાનો રહ્યા ઉપસ્થિત
અંકલેશ્વર શહેર પોલીસ મથકે ખાતે વિભાગીય પોલીસે વડા ચિરાગ દેસાઈના અધ્યક્ષ સ્થાને મહોરમ નિમિતે તાજીયા કમિટીના સભ્યો અને મુસ્લિમ આગેવાનો સાથે શાંતિ સમિતિની બેઠક યોજવામાં આવી હતી.
અંકલેશ્વર શહેર પોલીસ મથક ખાતે પોલીસ ઇન્સ્પેકટરની કેબિનમાં વિભાગીય પોલીસ વડા ચિરાગ દેસાઈ તથા પોલીસ ઇન્સ્પેકટર વાળાના અધ્યક્ષ સ્થાને 9 ઓગસ્ટના રોજ મહોરમ તહેવાર નિમિતે શાંતિ સમિતિના સભ્યો તાજીયા કમિટીના સભ્યો અને મુસ્લિમ આગેવાનો સાથે શાંતિ સમિતિની બેઠકનું આયોજન કરવામાં આવ્યું હતુ. જેમાં અધિકારી સમક્ષ વહીવટી તંત્રના સંકલન સાથે શાંતિપૂર્ણ માહોલ મહોરમ પર્વની ઉજવણી કરવામાં આવે તે અંગે ચર્ચા વિચારણા કરવામાં આવી હતી.
આ પ્રસંગને તાજીયા કમિટીના પ્રમુખ બખ્તિયાર પટેલ, સેક્રેટરી વસીમ ફડવાલા, ઉપપ્રમુખ અમન પઠાણ, લાલા ઘંટીવાળા, કોસેર કુરેશી, મંત્રી નજમુદ્દીન શેખ, સહમંત્રી અસ્પાક બાગવાળા, સાકીર મલેક, ખજાનચી હનીફ ભરૂચી તેમજ તમામ વિસ્તારના તાજીયા આયોજકો અને શાંતિ સમિતિના સભ્યો ખાસ ઉપસ્થિત રહ્યા હતા.
વિડીયો જર્નાલિસ્ટ સુનિલ પરમાર સાથે સત્યા ટીવી અંકલેશ્વર
