અંકલેશ્વર કંપનીમાં કામદારનું મોત
છત પરથી નીચે પટકાતા થયું મોત
GIDCની CJ કંપનીમાં બની ઘટના
GIDC પોલીસે તપાસ હાથ ધરી
અંકલેશ્વર GIDCની રુફ ટોપ બનાવતી કંપનીની છત ઉપરથી કોઈ અગમ્ય કારણોસર નીચે પટકાયેલા શ્રમજીવીનું ઘટના સ્થળે કમકમાટીભર્યું મોત નીપજવા પામ્યુ હતુ.
અંકલેશ્વર GIDC વસાહતમાં આવેલ સીજે એન્ટરપ્રાઇઝ નામની કંપનીમાં આજરોજ મધ્ય રાત્રીએ એકાદ વાગ્યાના અરસામાં છત ઉપરથી કોઈ અગમ્ય કારણોસર નીચે પટકાયેલા ૩૩ વર્ષીય શ્રમજીવી સુરેન્દ્ર અમરસીંગ વસાવાનું ગંભીર ઈજાઓને પગલે સ્થળ ઉપર જ મોત નીપજ્યુ હતુ. બનાવ અંગે કંપની સતાધિશોએ અંકલેશ્વર જીઆઈડીસી પોલીસ મથકે જાણ કરતા પોલીસ ઘટના સ્થળે દોડી ગઈ હતી અને મૃતકની લાશનો કબ્જો મેળવી તેને પોસ્ટ મોર્ટમ અર્થે અંકલેશ્વર પાલિકા ડીસ્પેન્સરી ખાતે ખસેડી હતી અને ઘટના કયા સંજોગોમાં બની તેની તપાસ હાથ ધરી હતી.
વિડીયો જર્નાલિસ્ટ કરણસીંગ સાથે આકાશ પાટીલ સત્યા ટીવી અંકલેશ્વર
