મંગલદીપ પાસે ઉભરાતી ગટર લાઇનની સમસ્યા
ઉભરાતી ગટરોને લઈ સ્થાનિકો હેરાન પરેશાન
રહીશોએ તા.વિકાસ અધિકારીને રજૂઆત કરી
અંકલેશ્વરના મીરા નગર આવેલ મંગલદીપ પાસે ઉભરાતી ગટર લાઇનની સમસ્યાને લઈ સ્થાનિકોએ તાલુકા વિકાસ અધિકારીને રજૂઆત કરી વહેલી તકે નિરાકરણ કરવા માંગ કરી છે.
છેલ્લા ઘણા સમયથી અંકલેશ્વરના સારંગપુર ગ્રામ પંચાયતની હદમાં આવેલ અંકલેશ્વરના મીરા નગર સ્થિત મંગલદીપ સોસાયટી અને લક્ષ્મણ નગરમાં ઉભરાતી ગટરોને લઈ સ્થાનિકો હેરાન પરેશાન થઈ ઉઠ્યા છે.આ અંગે 6 મહિનાથી ગ્રામ પંચાયતમાં રહીશોએ અવાર નવાર રજૂઆત કરી છે, પરંતુ પંચાયતના સત્તાધીશો વાયદા આપતા હોવાના આક્ષેપ કરવામાં આવ્યા છે.દૂષિત પાણીના માર્ગો અને તળાવોને લઈ સ્થાનિકો ત્રાહિમામ પોકારી ઉઠ્યા છે.ત્યારે આજરોજ ત્રાહિમામ પોકારી ઉઠેલ રહીશોએ અંકલેશ્વર તાલુકા વિકાસ અધિકારીને રજૂઆત કરી હતી અને વહેલી તકે યોગ્ય પગલાં ભરવામાં આવે તેવી માંગ કરી છે.
વિડીયો જર્નાલિસ્ટ આકાશ પાટીલ સાથે ધર્મેન્દ્ર પ્રસાદ સત્યા ટીવી અંકલેશ્વર
