અંકલેશ્વર શંકાસ્પદ હથિયારો સાથે બે ઇસમોને ઝડપી પાડ્યા
બાતમીના આધારે પોલીસે ગોઠવી હતી વોચ
પોલીસે બે ઇસમોને ઝડપી પાડી વધુ તપાસ હાથ ધરી
અંકલેશ્વર શહેર પોલીસે રાજપીપળા ચોકડી પાસે ભરૂચ તરફ જવાના સર્વિસ રોડ ઉપરથી ઇક્કો કારમાંથી શંકાસ્પદ હથિયારો સાથે બે ઇસમોને ઝડપી પાડ્યા હતા
અંકલેશ્વર શહેર પોલીસ મથકનો સ્ટાફ પેટ્રોલીંગમાં હતો તે દરમિયાન બાતમી મળી હતી કે રાજપીપળા ચોકડી પાસે ભરૂચ તરફ જવાના સર્વિસ રોડ ઇક્કો કાર નંબર-જી.જે.૦૫.આર.એ.૦૩૯૮માં બે ઈસમો શંકાસ્પદ હાલતમાં ફરી રહ્યા છે જેવી બાતમીના આધારે પોલીસે વોચ ગોઠવી હતી તે દરમિયાન રાજપીપળા ચોકડી પાસે ભરૂચ તરફ જવાના સર્વિસ રોડ બાતમી વાળી કાર આવતા પોલીસે તેને અટકાવી તેમાં તપાસ કરતા તેમાંથી લોખંડની હથોડી,ગિલોલ,પાઈપ અને સળિયા અને પાનું તેમજ પાંચ મોબાઈલ ફોન મળી આવ્યા હતા પોલીસે કારમાં સવાર સુરતના પુણાગામના ભૈયા નગર સ્થિત દીપાજ્લી સોસાયટીમાં રહેતો યોગેશ રામસજીવન જયશ્વાલ અને રવિ મહેશ જીલેકરને ઝડપી પાડી વધુ તપાસ હાથ ધરી છે.
વિડિઓ જર્નલિસ્ટ સુનિલ પરમાર સાથે સત્યા ટીવી અંકલેશ્વર
