હાંસોટમાં યોજાય ચૈતર વસાવાની જાહેર સભા
મોટી સંખ્યામાં લોકો રહ્યા ઉપસ્થિત
મંચ પરથી આગેવાનો કર્યા ભાજપ પર આકરા પ્રહાર
ભાજપને હરાવી મોટી સરસાઈ જીતીશું – ચૈતર વસાવા
હાંસોટ પોલીસ મથકની સામેનાં મેદાનમાં ઈન્ડિયા ગઠબંધનનાં સંયુકત ઉમેદવાર આમ આદમી પાર્ટીના ચૈતર વસાવાની જાહેરસભા યોજાઇ હતી. જેમાં ભાજપ પર આકરા પ્રહારો કરવામાં આવ્યા હતા.
હાંસોટ ખાતે ઈન્ડિયા ગઠબંધનનાં સંયુકત ઉમેદવાર આમ આદમી પાર્ટીના ચૈતર વસાવાની હાંસોટ ખાતે જાહેરસભા યોજવામાં આવી હતી. પોલીસ મથક સામેના મેદાનમાં યોજવામાં આવેલ જાહેરસભા મોટી સંખ્યામાં કોંગી અને આમ આદમી પાર્ટીના કાર્યકરોએ ઉપસ્થિત રહી હાજર મહાનુભાવોને સાંભળ્યા હતા.
જેમાં પૂર્વ વિધાનસભા નાં ઉમેદવાર વિજયસિંહ પટેલના એ ભાજપ ઉપર પ્રહારો કર્યા હતા. અને ભાજપના સાતમી ટર્મના ઉમેદવાર પાસે હિસાબની માંગણી કરી હતી.
વધુમાં ભરૂચ જીલ્લા કોંગ્રેસ પ્રમુખ દ્વારા ભાજપ પર પ્રહાર કરવા સાથે પાંચ હજાર માટેની સરસાય ઈન્ડિયા ગઠબંધનનાં ચૈતર વસાવાને જીતાડવાની આશા વ્યક્ત કરી હતી.
તો આ તબક્કે ઈન્ડિયા ગઠબંધનનાં લોકસભાના ઉમેદવાર ચૈતર વસાવા દ્વારા હાંસોટની જાહેર સભાને ચૂંટણી વખતની રણનીતિના આયોજન અને કાર્યકરો સાથે મિલનની ગણાવી તારીખ 17મીના રોજ ઉમેદવારી ભરવા મોટી સંખ્યામાં કાર્યકરોની ઉપસ્થિતિ રહેશે તેવો આશાવાદ વ્યક્ત કર્યો હતો. સાથ ભાજપ પર પ્રહારો કર્યા હતા.
ઈન્ડિયા ગઠબંધનનાં લોકસભાના ઉમેદવાર ચૈતર વસાવાની જાહેરસભામાં ઉપસ્થિત કોંગ્રેસના જીલ્લા પ્રમુખ રાજેન્દ્રસિંહ રણા, અંકલેશ્વર હાંસોટ વિધાનસભાના પૂર્વ ઉમેદવાર વિજયસિંહ પટેલ, હાંસોટ તાલુકા કોંગ્રેસના પ્રમુખ પરેશ પટેલ તથા કોંગ્રેસ અને આમ આદમી પાર્ટીના કાર્યકરો ઉપસ્થિત રહ્યા હતા
